хэхэ бичлэгээс нь илүү сэтгэгдлүүд нь сонирхолтой байлаа

блогийг заавал хүнд зориулж бичдэггүй өөрөө өөртөө зориулж бичдэг хүмүүс байдаг шүүү дээ.. тухайн хүний орон зай.. заавал мундаг том лут ухаалаг юм бич гэсэн дүрэм байхгүй.. бичдэг нэг нь бичиг л дээ.. заавал тэрүүн шиг бай гэсэн хэм хэмжээ загвар гарчаагүй байгаам чинь

Миний бодлоор блог бол асар их эрх чөлөө, түүнд заавал "мундаг" юм бичих албагүй. Зүгээр "цагаахан" блог руу ороод умшиж байхдаа би л гэхэд маш сайхан эерэг энерги авдаг. Заавал хүнд юм бичих хэрэгтэй гэж үү? Над шиг. кккк

Хүмүүсийн сэтгэгдлийг уншиад .. сонирхолтой байна.

Хүн хүн өөр өөрийнхөөрөө блогоо бичдэг байх. Сайн саар алин болох нь хамаагүй. Амьдралын маань нэгээхэн хэсэг, үзэл бодол, баяр жаргал, нус нулимс бүхнээ блогоороо дамжуулж хугасалдаг, хуваалцдаг. Ийм байхад л надад болоо...

Цөг гэм Тэхдээ тэр гоё зураг...

тэххх.. тэр зургийг нэг халиачихмаар байгаа юм..

би бас л хоцорчихож. гал гараад, цогшоод уугиад дууссан хэзээ хойно нь би дандаа бууж мордох юм.

наад эх хэлийг чинь хэнд ч хэрэггүй гээд гайгүй боловсролтой хүмүүс нь хүүхдүүдээ ээнглиш чайнизээр яриулж сургах гээд байгаам бишооо.

үг үгсийн алдаа гаргах яах вэ, байшингийн буланд сарьдагаа эхлээд больцгооё л доо андуудаа. гэснээс үндсэн санаандаа оръё. надад тэр энгэр задгайлсан, ташаагаа тулсан зургийг нэг үзүүлээдхээч.

Нээрээ энд нэг ийм юм байсныг сая л олж харлаа. Монгол хэлний үг үсгийн алдаа шалгагч хийгдэж байгаа юм байна. Тэгээд Монгол хэлний мэргэжилтэн хэрэгтэй байгаа бололтой. Мэдээж сургуулийг нь төгссөн бол найзуудаа бас уриалаад энэ хүний ажилд туславал бид энд ингэж маргаж сууснаас илүү хэрэгтэй ажил болох болов уу. Хэрвээ ингээд бид бичлэгийг шалгаад алдааг нь засчихдаг юм хийчихвэл блогууд алдаагүй бичигддэг болох нь гарцаагүй... Харин албаар алддаг хүмүүсийг энд тооцохгүй
За энэ доорх холбоосоор орж үзээрэй.

http://bolorcms.com/badaa/index.php?/categories/8-unknown

Бидний Монголчууд нэгэн зүгт зориглон хөдөлж, зөв зүйтээ зүйл хийж яваа нэгнээ тулан түшиж түлхэн урагшлуулж явбал юм юмны манлайд хүрэхийг дан ганц бидний сэтгэлийн чин зориг мэднээ.

Хүү...

Хай Унукун,
би чамайг муугаар төсөөлөөгүй шүү, буруу ойлгогдсон бол уучлаарай. би хэн хэн нь аливаад хүлээцтэй хандаасай гэсэн бодол агуулж бичсэн юм. Хэн нэгнийг буруутгаж зөвтгөх гээгүй. Чамд амжилт хүсье.

муугаар төсөөлсөн бол энд ингэж тайлбар бичиж цагаа үрэхгүй байсан байхаа Надад лав үнүкүн таалагддаг..

хаха.. зиа, манай төсөл амжилттай хэрэгжиж дууслаа. баярлалаа. баяртай. (суулийн 2 угийг Зовлон-с зээлдэв)

Ойлгож байнаа. Намайг муугаар төсөөлж болноо. Би ч ер нь их муу хүн, би өөрийгөө ч тэгж боддог. яг л ийм хүн. Би таны сэтгэгдлээс нэг юм ойлголоо. Юу гэвэл асар гүн ухааны сэдэвтэй бичлэгийг бичгийн хэлээр бичнэ, харин ойр зуурын, жижиг юмаа бол инээдтэй байлгах зорилгоор ярианы хэлээр бичнэ.

Хүмүүсээ, блогийг хүн өөрөө ямар зорилгоор нээснээсээ хамаарч дуртай сэдвээрээ бичиж болох талбар гэж би боддог.
Хүүрнэл хэлбэрээр, харилцан ярианы хэлбэрээр, сүрхий романтик аясаар, мөр холбож, үлгэрийн хэлбэрээр, бүр зарим нь өөрийн унших дуртай зохиолчийн бичлэгийн стиль жанрыг ашигласан (буюу тэгж хичээсэн) юм болов уу гэхээр, одоо энд яг эрчимтэй маргаанд өртөж буй аман ярианы, хар ярианы хэллэгээр гэх мэт бичигдсэн блогууд байна. Тэр нь блогийнх нь өнгө аяс болоод байж байлаа гэхэд муу нь юу байна? Блогоор орж гарч байгаа эрхэм нөхдүүд үүнээс гадна зөндөө мэдээллийн эх сурвалжтай тул шууд даган дууриахгүй байлгүй дээ. Харин зөв бичих дүрмийг баримталъя гэдэг дээр бүрэн санал нийлнэ.

Ийм бичлэг зохимжгүй, тийм нь зохимжтой гээд цензур тавих хэрэггүй болов уу. Аливаа бичлэгээс авах санаагаа аваад, түр зуур инээж кайф авах нь аваад, ойлгох юмаа ойлгоод явж байвал барав. Хэн нэгэнд таалагдах, сургах, зааварлах талбар бол блог биш. Тэгээд ч хүн бүр асар гүн ухааны аясаар бичиж чадахгүй, одоо надаас эхлүүлээд. Гэхдээ блог бичмээр байдаг. Асар гүн ухаан шингэсэн сэдэв гаргаж ирээд бичиж чадахгүй бол боль гэх нь утгагүй.

Энд хүү, юки зэрэг хүмүүсийн бичсэнтэй санал нэг байна.

Аливаад маргаан мэтгэлцээн байх нь сайн зүйл. Тэр сэдэв, санааг улам чамбай болгоход хэрэгтэй, гэхдээ маргалдагч талууд маргаанаа дэвшүүлсэн санаанаасаа хазайлгаж, ёстой дээр хэлсэн тулга тойрсон хэрүүл руу орохгүй байх хэрэгтэй. Хүн ямар санаа хэлж байна вэ гэдгийг, үгийг нь бүрэн сонсоод, ухаж бодоод, өөрийн хариугаа хэлэх, тухайн нөхцөлд биеэ барих чадвартай байх, өөрөөр хэлбэл соёлтой мэтгэлцэж сурах хэрэгтэй юм шиг. Тэгэхгүй бол чи хэдий зарим талаар зөв санаа дэвшүүлсэн ч энэ их хэрүүл дунд чиний гаргасан үнэтэй сайхан санаа дарагдаад, замхарч алга болно. Одоо жишээлбэл, би дээр бичсэн байгаа Чадахгүй бол боль гэх нь... гэдгийг чи өлгөж аваад, би боль гэж хэлээгүй, чи өөрөө балай, буруу ойлгочихоод гээд унавал ямар олигтойгоор төсөөлөгдөхөв дээ, чи надад.

Зарим нэгэн марзан зүйлийн тухай аман ярианы хэлээр биччихсэн байвал бүүр ч сэдэвтээ зохицоод давс хужир нь таарах нь байдаг шүү дээ. Хундага, Юкигийн блогоор ороод инээгээд гарахад муу нь юу байна. Гэхдээ наад захын зөв бичгийн дүрмийг барих хэрэгтэй байлгүй яахав. Миний ойлгож байгаагаар зөв бичих дүрэм, аман ярианы хэл хоёр шал ондоо ойлголт. Марзаганаад гэжүгаа, тэгээл гээд биччихсэн хүмүүс зөв бичиж чаддаггүй биш байх. Харин асуудал дэвшүүлсэн нийтлэл ч юм уу, албан ёсны бичвэр, гүн ухааны нийтлэл зэрэгт аман ярианы хэллэгээр биччих ч юм уу, алдаатай биччихсэн байх нь тухайн нийтлэлийн үнэ цэнийг навс унагадаг байх.

Аливаа юмны алтан дунджийг олж чаддаг байх, маргааныг буруу тийш дэвэргэхгүй зохицуулах чадвар, хэлж буй зүйрлэлийнхээ хэмжээ доозыг тааруулж чаддаг байх чадвар нь энд л чухал бус уу?
Миний хувьд блогийг жаахан уйтгар гунигтай байх үедээ дотоод шаналалаа нимгэлэх зорилгоор нээж байсан, хэсэг хугацааны дараа уншигчтай болох ч юм уу, хүмүүс орж гардаг болгох гэж хүчин чармайлт гаргалгүйгээр өдрийн тэмдэглэл маягаар байлгаж байя гэж бодсон. Ганц нэг хүмүүс орж гарсан байдаг. Би ч дотор нь тухайн үед бичмээр санагдсан зүйлээ бичдэг. Тухайн сэдвээсээ хамаарч бичлэийн өнгө аясаа сонгох гэж хичээдэг.

Гэвч би өөрөө бага байхдаа уншсан хэдэн номоо эс тооцвол сүүлийн хэдэн жилд тоон дотор орсон хэдэн үсэгнээс өөрийг уншихаа байсан, 4 аргын тооноос өөр зүйлд олигтой анхаарал хандуулаагүй болохоор бичвэр, сэдэв энээ тэрээгийн хувьд асар их дутагдалтай байгаа. Над шиг хүмүүс ч блог бичигчид дотор олон байгаа байх.
За тэгээд бүгдэд нь амжилт, сайн мэтгэлц, харин бүү хэрэлд

Найзуудаа эвтэй амьдаръя л даа yho;

Уг нь үнүкүн зөв юм ярьж байна л даа, илэрхийлж байгаа хэлбэр дээрээ бага зэрэг алдсан байна.

Би заримдаа тэгж хар яриагаар бичсэн бичлэг уншиж таашаал авдаг хүмүүсийн нэг нь болохоор бас аль ч талд нь орж чадахгүй нь. Цогбадрахын бичсэний хувьд бол блогчдыг иргэн сэтгүүлч гэж нэрлээд байдагтай би хувьдаа санал нийлдэггүй. Бүгд биш байх. Тэмдэглэл хөтөлсөн бүр сэтгүүлч байх албагүй шүү дээ хөө гэж.
Үнүкэний дараагийн гоё бичлэгүүдийг хүлээж байя. Тэр гоё зургаа байлгаж л байхгүй дээ. би эрэгтэй л дээ